فيديو .. طاسة اللحمة بالمشروم أكلة سهلة وسريعة ترجع من تاني للمائدة المصرية - نجوم مصر

أ أ

في ظل بحث كثير من الأمهات عن وصفات سريعة التحضير ومغذية، تعود أكلة طاسة اللحمة بالمشروم لتتصدر ترشيحات وجبات اليوم الواحد أو ما يُعرف بـأكلات الحلة الواحدة، لما تتميز به من سهولة في التحضير ومذاق مميز يجمع بين البروتين والخضروات والنكهات الغنية.

المكونات:

نصف كيلو لحمة مقطعة شرائح رفيعة (زي البفتيك)

ربع كيلو مشروم طازج مقطع أنصاف أو أرباع

1 بصلة كبيرة مبشورة

2 فص ثوم مهروس

1 فلفل أخضر بارد مقطع شرائح
(ويمكن إضافة قرنين فلفل حار حسب الرغبة)

1 حبة بطاطس كبيرة مقطعة مكعبات صغيرة

2 ملعقة كبيرة سمنة

1½ ملعقة صغيرة ملح

1 ملعقة صغيرة فلفل أسود

2 ملعقة صغيرة بهارات لحمة

كمية بسيطة من الماء (حوالي نصف كوب أو حسب الحاجة)
" width="400" height="225" frameborder="0" allowfullscreen="">

طريقة التحضير:

تحمير البطاطس
قطّعي البطاطس مكعبات صغيرة، وحمّريها في القلاية الهوائية أو في الزيت، ثم اتركيها على جنب.

تشويح اللحمة

في طاسة أو حلة على نار متوسطة إلى عالية، ضعي السمنة ثم أضيفي شرائح اللحمة بعد تجفيفها جيدًا.
شوحيها من الجانبين لمدة دقيقتين لكل جانب بدون أي توابل.

إضافة البصل

بعد إخراج اللحمة، أضيفي البصل المبشور لنفس الطاسة وشوحيه حتى يتحمر ويتكرمل.
لو نقصت السمنة، زودي ملعقة صغيرة.

إضافة الثوم والخضار

ضيفي الثوم المهروس والمشروم والفلفل وقلبيهم مع البصل لمدة 5 دقائق لحد ما المشروم يطرى شوية.

رجّعي اللحمة

ضيفي شرائح اللحمة مرة تانية للطاسة.

التوابل والماء

أضيفي الملح، الفلفل الأسود، وبهارات اللحمة.
ثم صبي كمية بسيطة من الماء (حوالي نصف كوب) بحيث ما تغطيش المكونات تمامًا.

التسوية

غطي الطاسة، ووطّي النار.
كل 10 دقائق افتحي وقلّبي، وشيكي على كمية المياه وزودي لو محتاج.

مدة التسوية: حوالي ساعة أو حسب درجة سوا اللحمة اللي بتحبيها.

اللمسة الأخيرة

بعد ما اللحمة تستوي، ضيفي البطاطس المحمرة وقلبّيها في الصوص (البهاريز) اللي نزل من اللحمة.