علق الفنان إياد نصار على انسحاب المخرج هاني خليفة من مسلسل "ظلم المصطبة" أثناء التصوير، حيث بدأ رده بممازحة الإعلامية لميس الحديدي في برنامج "كلمة أخيرة" على قناة ON، قائلاً:"ابعدي السؤال عني، مش هعرف أكون دبلوماسي!"
لكنه سرعان ما تحدث بجدية قائلاً:"من المهم لأي فنان إن العمل يُعرض في رمضان، وظروف الموسم الرمضاني بقت مفهومة ومعروفة لكل المخرجين، فمفيش مفاجآت. الفنان بيبقى عامل حسابه إن المشروع ده داخل سباق رمضان ماينفعش يجي قرار مثلاً زي مش هنلحق.
وأضاف نصار:"أنا مش مبسوط من انسحاب هاني خليفة. هو مخرج مهم وموهوب، وده مش محل نقاش. لكن شخصيًا، صعب عليا أقبل فكرة القفز من المركب. أنا تربية مسرح، عندي الكلمة قبل الورق."
وردًا على تساؤل لميس الحديدي:"إياد نصار لو اتزنق أو اختلف مع فريق العمل.. هتقفز من المركب؟"أجاب بحسم:"لا طبعًا. حتى لو المشروع مش عاجبني، هكمله لآخره وأطلع منه باستفادة. استفادتي ممكن تكون إني أتعامل مع ناس جديدة، أتعلم، أو أكتشف حاجات في نفسي."
التصوير ماينفعش
واختتم قائلًا:"الممثل وضعه مختلف، لو بدأ التصوير ماينفعش يسيب العمل، بس المخرج قائد.. والقائد ماينفعش يقفز من المركب."
![](http://pinterest.com/pin/create/button/?url=https://ngmasr.com/mix/144568/%D8%A5%D9%8A%D8%A7%D8%AF-%D9%86%D8%B5%D8%A7%D8%B1-%D8%B9%D9%86-%D8%A7%D9%86%D8%B3%D8%AD%D8%A7%D8%A8-%D9%87%D8%A7%D9%86%D9%8A-%D8%AE%D9%84%D9%8A%D9%81%D8%A9-%D9%85%D9%86-%D8%B8%D9%84%D9%85-%D8%A7%D9%84%D9%85%D8%B5%D8%B7%D8%A8%D8%A9-%D9%85%D8%A7%D9%8A%D9%86%D9%81%D8%B9%D8%B4-%D9%82%D8%A7%D8%A6%D8%AF-%D8%A7%D9%84%D9%85%D8%B1%D9%83%D8%A8-%D9%8A%D9%82%D9%81%D8%B2-%D9%85%D9%86%D9%87%D8%A7.html&media=https://ngmasr.com/temp/resized/medium_2025-01-23-83c99506e3.jpg&description=إياد نصار عن انسحاب هاني خليفة من "ظلم المصطبة": ماينفعش قائد المركب يقفز منها){kind=link}