هنئ المخرج محمد سامي المسيحيين بمناسبة عيد القيامة المجيد و شم النسيم، عبر صفحته الشخصية بموقع تبادل الصور والفيديوهات إنستجرام.
وكتب محمد سامي: «مستر ألبرت درسلي math ومدام وجيدة درستلي French ومستر ألفونس درسلي chemistry ومسز مها شنودة درستلي English and math ومسز أليصابات كانت مشرفة الدور وكنت بغلبها عشان تدخلني الفصل وغيرهم كتير، أساتذة مسيحيين درسولي وعلموني وأصحاب فضل عليا».
وتابع: «وبحكم الدنيا والشغل والعمر مش عارف حاجة عن معظمهم بس لسه كلهم مأثرين فيا، وحبيت أقولهم عيد سعيد عليكم وعلى كل حبايبكم وعلى كل أخواتنا المسيحيين، أجمل حاجة في مصر إن عمرنا ما حسينا فيها إننا مختلفين رغم إن عندنا أديان مختلفة بس عندنا قلوب حلوة ونظيفة مخليانا كلنا مصريين بنحب بعض وبنخاف على بعضنا وعلى بلدنا، بيوتنا مفتوحة لبعض مسلمين ومسيحيين، في الأزمات كلنا واحد وفي الأفراح كلنا واحد، ربنا يديم علينا نعمة مصر ونعمة حبنا لبعض، كل سنة وأهالينا المسيحيين بخير».
قد يهمك أيضاً :-
- من «شيمو» إلى شم النسيم.. حكاية أقدم احتفال قومي في التاريخ المصري
- رامز جلال يحتفل بعيد ميلاده بهذه الطريقة
- الألوان الصناعية تهدد صحة الأطفال في شم النسيم.. التفاصيل
- أسواق شم النسيم.. انخفاض أسعار البيض والفول والدقيق و7 سلع أخرى اليوم
- «تحذير من جمال شعبان: تناول الفسيخ في شم النسيم قد يسبب مخاطر على القلب»
