الجمعة 14/مارس/2025 - 02:49 م 3/14/2025 2:49:50 PM
فاز عم فارس، بجائزة برنامج مدفع رمضان والذي يقدمه الفنان محمد رمضان، وذلك في أثناء عمله في بيع الفول والفطور للمسافرين على جانب الطريق الزراعي بمدينة طوخ في محافظة القليوبية.
الفائزين في برنامج مدفع رمضان
وأعرب عم فارس عن سعادته بالحصول على جائزة البرنامج والبالغ قيمتها 100 ألف جنيه، قائلا: كنت واقف على نصبة الفول والشاي ولقيته نازل عليا قلت له: رمضان البرنس.. ولما قلتله كدا أخدني بالحضن.. وقالي لو أخدت فلوس ممكن تطور المكان.. وعرفته إن أصحاب الأرض بيساعدوني علشان حالتي وموقفني علشان أبيع فول.
وأضاف: لقيته بيقولي أنا لحمي أكتافي من خيركم وخد القرشين دول جايين من عند ربنا وأنا سبب.. والحمد لله ربنا بعتهولي وفكها عليا.. ولأني كنت قبلها بفكر وجالي في وقت قاتل.. وأخدت الفلوس وسددت بيها كل ديوني.. ودلوقتي بالي رايق وبعرف أنام.. وعملت يافطة وهعلقها على الكافية وكتبت عليها كافيه محمد رمضان.
