الجمعة 14/مارس/2025 - 06:55 م
عرضت حلقة اليوم الجمعة، من برنامج مدفع رمضان، تقديم الفنان محمد رمضان، وكسّب خلال الحلقة عدد من الفائزين.
وبدأ محمد رمضان الحلقة قائلًا: التقليد في الخير حلو مش وحش، واللي يقلدنا في الخير بنقوله شكرا ويا رب يكتر من أمثالكوا، ويا رب نفضل نتقلد في الخير بس.
وتابع محمد رمضان: أنا مبسوط إن أول موسم من مدفع رمضان الناس حوالينا بدأوا يقلدونا ويعملوا مسابقات عشان إحنا من غير الناس منسواش وبنشتغل عشان نسعدهم.
كما تقابل محمد رمضان مع رجل كبير في السن، وكسّبه 100 ألف جنيه، عندما كان يعمل ويحمل شوالا ضخما، وقال له رمضان: أنا شاب ومش قادر أشيل الشوال، متشيلش تاني يا حاج وأركب تاكسي وروّح.
كما كسّب محمد رمضان شخصا آخر، الذي قال له: مراتي هتولد بكرا وهسمي ابني محمد على اسم نمبر وان.
برنامج مدفع رمضان
وفي وقت سابق، منح محمد رمضان بائعا 100 الف جنيه، وأعرب الفائز عن سعادته الكبرى بهذا الأمر حيث قال للفنان: الله يسترك أنت عملت فيا جميل مش هنساه العمر كله، ليرد عليه رمضان: أنا لحم أكتافي من خيركم.
