يحتفل محمد البسطويسي عامل سرك طنطا ضحية النمر، اليوم، بعقد قرانه رفقة عروسته داخل منزله وسط حضور الأهل والأصدقاء.
عامل سيرك طنطا يحتفل بعقد قرانه اليوم
وأعرب محمد بسطويسي عن سعادته بعقد قرانه على الرغم من ظروف مرضه، قائلًا: كنت عايز أفرح خطيبتي لأنها زعلانه من وقت الواقعة.. والفرح هعمله لما حالتي الصحية تتحسن.
وأشار بسطاويسي، إلى أنه لن يتنازل عن حقه بواقعة سرك طنطا حتى وأن حضرت أنوسة كوته عقد قرانه اليوم، قائلًا: مش هتنازل عن حقي ولو أنوسة كوته جت تباركلي هتاخد واجب الضيافة لأني بفهم في الأصول لكن مش هتنازل لأنها أتخلت عني.
وفي سياق آخر، رد عامل السيرك على التصريحات الأخيرة لمدربة الأسود أنوسة كوتة، والتي قالت خلالها إنها مرت بالعديد من الأزمات بداية من وفاة زوجها حتى الأزمة الأخير في عملها.
وأكد بسطاويسي: أنوسة كوتة بتستعطف الناس وبتقول إنها بتربي ابنها، طب هي دخلت دنيا واتجوزت وخلفت وأنا لسه شاب صغير وخاطب، أنا دراعي اتقطع ودبلتي فيه ولسه مدخلتش دنيا، تصريحاتها بتقطعني من جوايا عشان عاوزة تكسب تعاطف على حسي.. والناس بيقولوا إني خدت فلوس وحد جاب لي طرف صناعي، أنا مش عاوز كل ده وحياتي اتدمرت خلاص، هو أنا هقطع دراعي عشان التريند والفلوس؟.
