السبت 19/أبريل/2025 - 12:17 م
نفت هبة التركي أرملة إبراهيم شيكا لاعب الزمالك السابق، على ادعاءات علاجه على نفقة الدولة رغم حصوله على تبرعات مالية خلال فترة العلاج من مرض السرطان.
أرملة إبراهيم شيكا تنفي ادعاءات علاجه على نفقة الدولة
وكتب هبة التركي عبر حسابها الشخصي على موقف فيسبوك: حسبي الله ونعم الوكيل، يا جماعة أي حد ينزل ورقة زي دي اعرفوا إنه كداب، إبراهيم متعالجش على نفقة الدولة.
وأضافت: مع احترامي الكامل للجميع، هو في دار الحق مستشفى الجوي موجودة، اللي عاوز يسأل هناك يروح ويتأكد بنفسه من الفلوس دي مين كان بيدفع.
وواصلت أرملة لاعب الزمالك السابق: لكن الظلم ده لا يرضي الله ولا عباده الصالحين، أما الناس اللي بتقول ده خد من الناس فلوس واتعالج على نفقة الدولة دي محتاجين يتعالجوا، هو لو خدت فلوس ليه نفقة الدولة أو علاج علي نفقتهم، هطلع أقول كل شويه فين العلاج؟ فين العقل؟
واختتم هبة التركي منشورها: اتقوا الله، وارتقوا الكلام ده غير حقيقي، وناس كتير عاملة حاجات مزورة، ارحموا الراجل في تربته، وكل واحد يخليه في نفسه، وأنا موجودة أرد الكذب عن جوزي.
أرملة إبراهيم شيكا تنفي ادعاءات علاجه على نفقة الدولةوقالت أرملة إبراهيم شيكا في وقت سابق: عانيت من ظلم شديد، ولم يكن بإمكاني الحديث عن كل التفاصيل حتى علاج إبراهيم، كنت أحصل عليه بالتوسل، والجميع كان يعلم ذلك، حتى بعض أصدقائي قالوا لي: أنتِ تتسوّلين عبر تيك توك، بينما أنا لم أكن أطلب مالًا، بل كنت أتمنى فقط أن يُشفى.
وفاة إبراهيم شيكا
وتوفي إبراهيم شيكا لاعب الزمالك السابق، يوم السبت الماضي، عن عمر ناهز الـ28 عاما بعد تدهور حالته الصحية في صراعه مع سرطان المستقيم.
