أثارت الإعلامية مروة صبري الجدل في الساعات القليلة الماضية بعد خروجها بتصريح تكشف من خلاله مرورها بأسوأ أيام حياتها دون الكشف عن السبب، مشيرة إلى لولا وجود والدتها في حياتها وأن بدونها لكانت رأت كل سيء .
مروة صبري تثير الجدل
وقالت مروة صبري في منشور رصده موقع تحيا مصر عبر حسابها الرسمي بموقع التواصل الاجتماعي فيسبوك: مبحبش اكتب حاجه على السوشيال ميديا و "تحديدا عن حياتى الشخصيه"، بس انا من يوم الوقفه لحد دلوقتى بمر ب اوحش و اسود ايام حياتى و مش مهم الأسباب بس كلها احاسيس خوف و رعب و عياط و كأبه و ضربات قلب سريعه من التوتر و الارتباك و العجز لسه الاحاسيس دى مكمله و اكتر من كده ب كتير لدرجه ان الكتابه اللى بكتبها دلوقتى مش هتعبر عن 1 % من اللى جوايا.
وتابعت مروة صبري حديثها: فجأه دلوقتى حسيت انى عايزه اكتب جزء بسيط من احساسى و كل شويه هكتب حاجه لحد ما اخرج اللى جوايا حاجه حاجه بس ف النهايه ربنا كبير و كريم و حنين اوى و رحمته واسعه و بيطبطب عليا بدرجه كبيره، ربنا يخليكى ليا يا امى و يبارك فيكى عشان انا بحبك اوى و من غيرك مش هشوف ولا اى حاجه حلوه ف الدنيا.
مروة صبري تهاجم الحاضرين في مهرجان الجونة
من ناحية أخرى كانت قد شاركت الإعلامية مروة صبري منذ فترة منشور عبر حسابها الرسمي على موقع التواصل الاجتماعي فيسبوك أعربت من خلاله عن استيائها من نجوم الفن المتواجدين في مهرجان الجونة، وذلك بعد وفاة فنانين كبار مثل الفنان حسن يوسف والنجم مصطفى فهمي والفرق بين وفاتهم ساعات قليلة، وهاجمت مروة صبري الفنانين بمدينة الجونة بسبب عدم عودتهم حتى الآن لتقديم واجب العزاء في الراحلين حتى أنهم لم يحضرون جنازة أيا منهم، وكتبت مروة صبري في منشورها: “والله و بكل صراحة بدل ما نفضل ننعي فناننا العظماء اللى بيروحوا فجأة واحنا ف مهرجان الجونة و نوجهلهم رسالة و بعد ساعة نطلع و نعرض فساتين و شعر و ميك اب ياريت ترجعوا و تقدموا واجب العزاء من هنا عشان شكلكوا بقى وحش، و طز في الفساتين و الاطلالات دلوقتى و تتعوض في أى وقت تاني".
مرة صبري عن وفاة حسين يوسف ومصطفى فهمي: فقدنا أهم وأكبر القامات الفنية
وتابعت: "لأننا فقدنا اتنين من أهم و أكبر القامات الفنية في مصر و الوطن العربي الأستاذ حسن يوسف و الأستاذ مصطفى فهمي وربنا يرحمهم يارب و يغفرلهم و يسكنهم فسيح جناته بجد مهرجان الجونه مش وقتك و مسخت أوي”.
