الدكتور أحمد بشير يكتب.. حساسية مصانع الملابس خطر صامت - نجوم مصر

أ أ

بنقابل حالات كتير لناس اشتغلت في تصنيع الملابس والاستثمار فيها، وللأسف بيتم علاجهم على إن عندهم حساسية صدر، لكن بييجوا بعد ما يحصل تليف في الرئة، ويبقى عندهم فشل في وظائف التنفس ونقص في الأكسجين، وساعتها الوضع بيكون خطير جدًا.

الموضوع ده ممكن يحصل لأي حد شغال في مصانع الملابس، بسبب تعرضه بشكل مستمر لوبر القماش ومخلفات ماكينات التصنيع اللي بتطير في الهوا وبتدخل الأنف والصدر، وده ممكن يسبب حساسية في الأنف، الحلق، الأحبال الصوتية، أو الصدر، ولو متلحقش بدري، ممكن يتطور لـتليفات خطيرة في الرئة على المدى البعيد.

علشان كده، أي كحة مستمرة أو ضيق نفس لمدة أكتر من شهر، لازم فورًا تعمل أشعة على الصدر وتراجع طبيب صدرية قبل ما تتفاقم المشكلة.

أ.د أحمد بشير - أستاذ الأمراض الصدرية جامعة الأزهر