انفعلت الإعلامية مفيدة شيحة، على الهواء، اثناء تقديمها برنامج الستات، المذاع عبر قناة النهار وان، مساء اليوم السبت، بسبب ارتفاع اسعار فاكهة البطيخ، قائلة :"البطيخ غلي اوي والـ ٤ بألف جنيه".
سعر البطيخة الواحد وصل الى 250 جنيه
واضافت مفيدة شيحة، أن:"البطيخة الواحدة كانت بعشرين جنيه، وازاي السعر ارتفع بالشكل ده وكمان البطيخ أقرع ومش حلو، وسعر البطيخة الواحدة وصل الى 250 جنيه".
من جانبه رد حاتم نجيب نائب رئيس شعبة الخضروات والفاكهة بالغرفة التجارية، قائلا :"هذا الأمر حقيقي ويرجع لان البطيخ في البداية وبشاير، والجديد هو اللي هيرجع الاسعار، والاسعار بدأت بالفعل في الانخفاض منذ ٥ ايام، وسعر البطيخة هيوصل 120 جنيه و150 جنيه خلال الفترة المقبلة".
وتابع حاتم نجيب نائب رئيس شعبة الخضروات والفاكهة بالغرفة التجارية، أن:"اللي عايز ياكل أي نوع فاكهة أو خضار يأكلها لكن في موسمها الطبيعي وينتظر دخول الموسم".
