الأربعاء 19/مارس/2025 - 02:56 م
حل المنتج أحمد السبكي ضيفًا على أحد البرامج التلفزيونية وخلال وجوده تحدث عن العديد من الأعمال التي يفضلها له والأعمال التي لا يحبها لبعض المخرجين مثل المخرج محمد خان، وعن مشاركته مع الفنان أحمد زكي، وعن سبب منع عرض فيلم الملحد حتى الآن والعديد من الأمور الأخرى أيضًا.
وفي السطور التالية نسرد لكم أبرز تصريحات المنتج أحمد السبكي
-مبحبش أفلام محمد خان ولا بتنزلي من زوري، وحتى مستر كارتية اللي اشتغلناه مع بعض بحس إن في حاجة غريبة، ومكررتش التعاون معاه.
-قلقت من التعاون مع أحمد زكي عشان كنت بسمع أنه متعب ولكن لقيته ملتزم وفيلم الرجل الثالث من أعلى إيراد ليه .
-أجمل ممثلة في تاريخ السينما في الفن والجمال سعاد حسني واللي ممكن تبقى زيها دنيا سمير غانم لأنها بتعمل كل حاجة وهعمل ليها فيلم دراما بعيد عن الهزار.
-فيلم الملحد من الأفلام اللي اتظلمت بسبب اسمها، وواخدين موافقة عليه من الرقابة من قبل ما نشتغل فيه ومشكلته أن إبراهيم عيسى اللي كتبه.
-فيلم اللمبي بأغنية حبي ايه لقيت الحكومة تحت وقالوا أحمد السبكي بوظ تراث السينما المصرية.
-فيلم شقو من أعلى الأفلام إيرادات في تاريخي وأقل إيراد وصلتله بلطية العايمة بالرغم أنه عمل ناجح بس مخدش حظه وأنا بحب عبلة كامل.
-فيلم الكبارية ماجد الكدواني مكنش فيه والبطلة مكنتش جومانا مراد كانت منة شلبي وماجد كان مكانه طارق عبد العزيز ولما جيت أتفق قالي 2000 ألف جنيه كان كتير وجبت ماجد عمله.
