مدفع رمضان.. محمد رمضان من حلقة اليوم: العاصمة الإدارية لا تقل إنجازًا عن السد العالي - نجوم مصر

السبت 15/مارس/2025 - 07:33 م

أعلن الفنان محمد رمضان خلال حلقته اليوم من برنامج مدفع رمضان، أنه قرر الإفطار مع العاملين بالعاصمة الإدارية الجديدة، كما تحدث على أنها لا تقل عن أي إنجاز يحدث في مصر.

وقال محمد رمضان خلال الحلقة التي عرضت على شاشة دي إم سي: هفطر في العاصمة الإدارية مع العمال، فيها مليون و700 ألف عامل مصري، هتشوفوا تحالف القوى من كافة محافظات مصر، لسه محدش مستوعب العاصمة الإدارية إحنا بنعمل إنجاز لا يقل عن السد العالي.

وظهر محمد رمضان في حلقة اليوم بملابس مختلفة حيث قال: الاستايلست بتاعي مش مصري بس شغال معايا بقاله سبع سنين وبقى مصري خلاص، والنهاردة لبسني القميص ده، وأنا قولتله ده ايه قالي طفل ملاك، قولتله شبه الفنانة إسعاد يونس وهي صغيرة، وهعتبر نفسي لابس صورة للجميلة إسعاد يونس.
 

برنامج مدفع رمضان يعرض يوميًا على شاشة دي إم سي في تمام الساعة السادسة مساءً، ويعتمد على نشر الفرحة بين الناس وتوزيع العديد من الجوائز، واستطاع أن يحقق نجاح كبير منذ عرضه في أول أيام رمضان.