ونش نقل البضائع وقع بيها| صباح تستغيث: الشركة رمتني في المستشفى وتخلت عنيّ.. ونفسي أقدر أمشي تاني - نجوم مصر

كشفت صباح تفاصيل تعرضها لحادث خلال تأدية عملها في إحدى الشركات الخاصة بالمواد الغذائية، مما أدى إلى تعرضها إلى إصابات خطيرة، لكن الشركة تهربت من علاجها بسبب تكلفته العالية.

وقالت صباح إن ونش نقل البضائع سقط بها خلال عملها، مما أسفر عن إصابتها بكسر في الحوض والفخذ وشرخ في الفقرات، وتضرر عصب القدم الثانية، وكدمات وجروح وكسر بمشط القدم، مضيفة: جسمي كله متدمر ومش بتحرك من على السرير، وبتعرض لألم كبير جدا الدكاترة قالوا إنه ممكن يؤدي للموت.

وأضافت صباح أن بعد دخولها المستشفى مسئولي الشركة تركوها ولم يسألوا عليها، مضيفة: في أول يوم قالولي لو عوزتي حاجة كلمينا، ولما كلمتهم محدش رد عليا ولا حد جالي.

وأشارت صباح إلى أنها هي من كانت تنفق على منزلها وأولادها، فزوجها مريض وأصيب في حادث أيضا، موضحة: حالتنا المادية صعبة، ومفيش غيري أنا اللي بصرف على البيت، وعندي 3 عيال.

واستغاثت صباح: الشركة تخلت عني والعلاج مكلف جدا، ومقدرش أتعالج على نفقتي الخاصة علشان معنديش تأمين.. ونفسي أقدر أمشي على رجلي تاني.