تصدر اسم مؤدي المهرجانات حمو بيكا قوائم الأكثر تداولا وبحثا خلال الساعات القليلة الماضية عبر محرك البحث الشهير جوجل، وذلك بالتزامن مع التحقيق معه في نقابة المهن الموسيقية.
أول تعليق من حمو بيكا بعد التحقيق معه
أصبح حمو بيكا محل اهتمام وأنظار عدد كبير من الجمهور والمتابعين في مصر والوطن العربي خلال الفترة الماضية، فالكل يريد معرفة تعليقه على التحقيق معه من قبل نقابة المهن الموسيقية.
ومع البحث تبين أنه في أول ظهور له بعد التحقيق، خرج مطرب المهرجانات حمو بيكا عن صمته، ليوضح موقفه من الأزمة الأخيرة عبر مقطع فيديو بثه على حسابه الرسمي بموقع التواصل الاجتماعي "فيسبوك"، رصده موقع تحيا مصر مؤكداً أنه لم يقصد الإساءة بأي شكل.
حمو بيكا: عمري ما أغلط في بلدي
وقال: "أنا قلت الأغنية عادي، وعمري ما أغلط، أنا خادم بلدي وخدمت في جيشي، ولو كنت أعرف إن فيها ضرر أو غلط، عمري ما كنت هنطقها. دي أغنية متداولة على يوتيوب وكل المطربين الشعبيين بيغنوها، بس لما جيت غنتها، الدنيا اتقلبت عليا".
وشدد حمو بيكا خلال حديثه على احترامه العميق لمصر، قائلاً: "لازم أوضح الرسالة دي: عمري ما أقدر أغلط في بلدي، وفي أي حفلة بأي بلد برفع علم مصر على كتافي وببقى فخور، ولو كنت أعرف، وغلاوة بنتي، عمري ما كنت هغنيها. مش بقول كده عشان أرجع شغلي، سواء رجعت أو لا، أنا بقول كلمة حق: عمري ما أغلط في بلدي".
حمو بيكا بعد التحقيق معه: مش بعرف لا أقرأ ولا أكتب
وتابع حمو بيكا موجهاً رسالة مؤثرة للجمهور والمنتقدين: "عملتوا حاجات كبيرة أنا مش قدها، آه مش بعرف لا أقرأ ولا أكتب بس بسمع اللي بيتقال، ليه تكبروا المواضيع معايا أنا بالذات؟ أنا مش حمل أي حاجة، ولو أي حاجة هتبعدني عن بيتي وبنتي مش عايزها نهائي خال، وياريت اللي بيكتب بلاش يوصل الكتابة لحتة مش بتاعتنا. إحنا نخدم بلدنا برقبتنا".
تصريح بيكا جاء وسط تفاعل كبير من متابعيه ومحبيه، بين متفهم لموقفه وداعم له، وبين من طالب بضرورة توخي الحذر عند تقديم أي محتوى فني قد يُساء فهمه أو تفسيره.
