ريم مصطفى: مريت بعلاقة "توكسيك".. لكن مش أبو أولادى - نجوم مصر

ردت الفنانة ريم مصطفى، على سؤال الإعلامية منى الشاذلي، حول هل سبق وأن ارتبطت بشخص توكسيك؟، قائلة: "ده أنا أعمل كتاب". 

وأضافت ريم مصطفى، خلال لقائها ببرنامج "معكم" الذي تقدمه الإعلامية منى الشاذلي، عبر قناة on: "أنا بشوف إن الواحد لما يصدم في علاقة مثلًا، النضج بيجي منها بعد كده، لازم تكوني مريتي بتروما معينة علشان يجي النضج". 

وتابعت: "أه مريت بعلاقة توكسيك، لكن مش أبو أولادي، عشان ما ألاقيش بكرة ترند على الراجل الغلبان". 

وأردفت: "مريت بعلاقة توكسيك، والمشكلة إنها استغرقت سنين، لما بتلاقي نفسك مع حد نرجسي أو علاقة مش صحية، تلاقي نفسك مستمرة فيها لوقت طويل جدًا، وإنتي عارفة إن العلاقة دي مش صحية لكي، وهنا تعرفي إنك في علاقة مش كويسة".

وأوضحت أن الشخص التوكسيك دائمًا ما يكون عنده مشكلة، ولا يمتلك ثقة كافية بنفسه، معقبة: "بيجيبها فيكي، فبتلاقي نفسك طول الوقت تتهمي اتهامات غير حقيقية ومش إنتي ومش شخصيتك، وطول الوقت عايزة تبرري، بتلاقي نفسك في العلاقة عشان تثبتي للطرف الآخر إنك شخص كويس".