الأحد 13/أبريل/2025 - 08:38 ص
تحدث الفنان أحمد بجة، المنتج الفني لـ فيلم استنساخ، عن تقديم الفنان سامح حسين بطولة العمل، الذي انطلق عرضه الأسبوع الماضي في جميع دور العرض السينمائية.
وقال أحمد بجة في لقائه مع القاهرة 24: الفيلم جديد تمامًا على سامح حسين، بيتكلم عن الذكاء الاصطناعي والعالم الافتراضي، وده جديد على المشاهد المصري وبيشوفوه في الأفلام العالمية بس، ويا رب يكون لقى استحسان الجمهور.
تفاصيل إلغاء العرض الخاص لـ فيلم استنساخ
وسبق وعلق الفنان أحمد بجة على إلغاء العرض الخاص لفيلم استنساخ، بجانب رده على الكاتب عبد الرحيم كمال، رئيس الرقابة على المصنفات الفنية، حول تأخره في طلب تصريح عرض العمل بالسينما، قائلًا: واخدين موافقة الرقابة من فترة، وأي تعديل قالوا عليه عملناه، وكنا مستنيين بس التصريح علشان الفيلم يتعرض في السينما.. السبب عند عبد الرحيم كمال مش عندي.
وأردف: إلغاء العرض الخاص مش طبيعي، الممثلين والصحفيين حضروا ورجعوا، إحنا مش عايزين نعمل حاجة مخالفة وكنا عايزين تصريح بالعرض، وكان ممكن أعمل العرض لكن مش هجيب مسؤولية قانونية على شركة التوزيع ولا السينما، وقولت لما يبقى في إيدي تصريح رسمي نشتغل.
واختتم حديثه: مدير إنتاج الفيلم راح مقر الرقابة من الساعة 10 ونصف لحد الساعة 4 عصرًا، والورق كله مستوفي ودافع كل حاجة، مستني التصريح وهما عطلوا، ولكن لأ إحنا مرحناش بعد مواعيد العمل الرسمية للرقابة.. أنا مش أول مرة اشتغل.
