هقرأ عليهم عِدّية ياسين.. والد الشاب ضحية النمر بالغربية يرد على شقيق أنوسة كوتة| بث مباشر - نجوم مصر

رد والد الشاب محمد، ضحية العقر من النمر داخل سيرك مدينة طنطا، على مقطع الفيديو الذي نشره شقيق مدربة الأسود أنوسة كوته، قائلا: أنا كنت ناوي أطلع أقول إن العوض من عندنا ربنا.. لكن أخوها دفعني أخرج أرد عليه.

ضحية عقر النمر بسيرك طنطا 

وأضاف قائلا: مدام الفلوس عمياكم.. بقولكم ربنا يسلط عليكم كلب من كلابه أو أسد.. وابني بقاله سنين شغال معاهم وهما بيحاولوا يتهربوا من حقه.. وكمان هو هيقطع دراعه علشان التريند ليه.. كلامهم غريب جدا.

وتابع: حاولت أمنع ابني عن الشغل دا وكنت ببوس إيده.. لكن كانت هوايته.. كان فيه تعمد يحصل مع ابني دا لأنه في مشاكل بينه وبين سيرك محمد الحلو.. وبقول لابني يحمد ربنا ويرضى بمرضه وربنا هيعوضه خير.. وهقرأ عليهم عدية ياسين.

وأشاد بزيارة محافظ الغربية صباح اليوم لنجله داخل المستشفى للاطمئنان عليه ومتابعة حالته وتقديم وظيفة له ومعاش، قائلا: زيارة محافظ الغربية لابني رفعت معنوياته كتير وسلمه وظيفة.