الأربعاء 02/أبريل/2025 - 08:03 ص
في واقعة غريبة أمام محكمة الأسرة، أقامت زوجة دعوى طلاق ضد زوجها، مؤكدة أنه يعاني من بخل شديد لدرجة جعلت الحياة معه مستحيلة، حيث يحاسبها على كل قرش تنفقه، حتى في أبسط الأمور اليومية.
زوجة تطلب الطلاق بسبب بخل زوجها الشديد: بيحاسبني على عدد معالق السكر
وقالت الزوجة في دعواها: "كنت فاكراه حريص وعارف قيمة الفلوس، لكن بعد الجواز اكتشفت إنه بيحاسبني على كل حاجة، حتى معالق السكر في الشاي! لو شغلنا التكييف خمس دقايق يبقى لازم نقعد في الضلمة نص ساعة عشان نعوض الاستهلاك"
وأضافت أن زوجها يرفض شراء أي شيء جديد، حتى لو كان ضروريًا، ودائمًا ما يختلق الحجج لتوفير المال، مشيرة إلى أنه يفضل ارتداء الملابس القديمة حتى لو كانت بالية، ويرفض الخروج أو التنزه بحجة أن "البيت أحسن وأوفر".
من جانبه، دافع الزوج عن نفسه قائلًا: "أنا مش بخيل، بس بعرف قيمة الفلوس، ومش معنى إني بحب أوفر إني بحرمها من حاجة، أنا بس مش بحب التبذير."
قرار المحكمة
بعد الاستماع للطرفين، قررت المحكمة تأجيل القضية لمحاولة التفاهم بينهما.
