الثلاثاء 01/أبريل/2025 - 05:16 م
حذر أحد مستخدمو مواقع التواصل الاجتماعي، من خلال حسابه على فيسبوك، من سلسلة محلات رنجة أبو السيد، حيث عبر عن استياءه بعد عثوره على طفيليات داخل الرنجة التي اشتراها في عيد الفطر، بالإضافة للتعامل السلبي مع شكوته.
شاب يشكو من محل فسيخ شهير
وكتب أحد مسخدمو السوشيال ميديا، في منشور عبر حسابه على فيسبوك: رنجة أبو السيد، المفروض أنه من أفضل البراندات ولكن بعد حوار طويل عريض معاهم فيه كم من المغالطات بينكروا، الحاجات اللي شوفناها وبسببهم في مرة هيحصلنا كارثة وفيها ضرر على الصحة كبير خلوا بالكوا، بيتعاملوا معانا على أساس أنك المفروض تشوف الدود بعينك وتتأكد أنه ميت وتأكله عادي بما أن مفيش منه ضرر، وعمري ماهاكلها تاني.
وأضاف: لما كلمتهم اشتكيلهم قالوا لي في الأول إنها طفيليات، وكلام غريب بيقولولي المفروض برضه قبل ما ناكل نعمل تحليل للكائنات دي، وندرسها ونشوف حية ولا ميتة ومضرة ولا مش مضرة، ياريت جهاز حماية المستهلك يتدخل علشان الكارثة دي، ياجماعة اتقوا الله يجعل لكم مخرجًا.
ولاقى منشور رنجة أبو السيد، تفاعلًا واسعًا بين مستخدمي السوشيال ميديا، حيث كتب صاحب حساب: مش ممكن اللي بيحصل ده حرام عليكم اللي بنشوفه بجد، اتقوا الله فينا وفي ولادنا حرام عليكم، وأضاف مستخدم آخر: ياجماعة الخير محدش يشتري منهم بجد حاجتهم سيئة جدًا ومينفعش حد ياكل منها أرجوكم كفاية، أنا اشتريتها ولقيت المنظر ده ورميتها، وكتب شخص آخر: أنا بجد قرفت من المنظر ده وكرهت كل أنواع الرنجة في الحياة ومش أول مرة الناس تشتكي منه.
