فيديو .. وجبة فراخ بصوص الكريمة والخضار مع رز جاسمين تعالي اقولك سر الوصفة - نجوم مصر

أ أ

وجبة متكاملة وسهلة، مليانة طعم حلو وتقدري تعمليها لما تزهقي من الأكل التقليدي تنفع للأطفال والكبار، وبتخليهم يحبوا الخضار من غير ما يحسوا ويتم غذاءهم صح .

المكونات:

للفراخ:
½ كيلو صدور فراخ (أو أوراك) مقطعة مكعبات متساوية

2 ملعقة كبيرة زيت زيتون

1 ملعقة صغيرة ملح

¼ ملعقة صغيرة (فلفل أسود – زعتر – بابريكا – شطة – بودرة توم – بودرة بصل)

للرز:

1 كوب رز جاسمين مغسول جيدًا

2 كوب ماء مغلي

1 ملعقة كبيرة سمن

رشة ملح

للصوص:

2 ملعقة كبيرة زبدة

2 فص توم مفروم

2 ملعقة كبيرة دقيق

2 كوب لبن

1 ملعقة صغيرة ملح

½ ملعقة صغيرة فلفل أسود

½ ملعقة صغيرة زعتر

½ مكعب مرقة (اختياري)

للخضار:

2 كوب خضار مشكل (بسلة، جزر، فاصوليا خضراء – أو حسب الرغبة)
" width="400" height="225" frameborder="0" allowfullscreen="">

طريقة التحضير:

تتبيل الفراخ:
اخلطي مكونات التتبيلة وضيفيها للفراخ الجافة، وقلبيها كويس وسيبيها تتبل نص ساعة.

تحمير الفراخ:

في طاسة سخنة، شوّحي الفراخ على مرتين في زيت، لحد ما تاخد لون دهبي من برا وتكون ¾ مستوية، وشليها على جنب.

تحضير الرز:

في حلة، حطي السمنة وسيّحيها، ثم ضيفي الرز وقلّبيه بهدوء دقيقتين.
ضيفي الماء المغلي والملح، غطيه وسيبيه على نار هادية لحد ما يستوي (حوالي 15-20 دقيقة).

تحضير الصوص:

في نفس الطاسة، حطي الزبدة، نزلّي التوم وقلّبي ثواني، ثم الدقيق وقلّبي لحد ما يختفي.
ضيفي اللبن بالتدريج وقلّبي لحد ما يبقى قوامه كريمي خفيف. ضيفي التوابل ومكعب المرقة.

إضافة الخضار والفراخ:

ضيفي الخضار المجمّد على الصوص وقلّبي لحد ما يفك.
رجّعي الفراخ للصوص، غطي الطاسة وسيبيهم على نار هادية 10 دقايق لحد ما كل حاجة تستوي وتتجانس.

التقديم:

قدّمي الفراخ بالصوص والخضار فوق الرز، واستمتعي بوجبة متكاملة ولذيذة