أ أ
في خطوة جديدة لتسهيل تحضير أشهر الأطباق الإيطالية، انتشرت مؤخرًا وصفة مبتكرة للازانيا تُحضَّر بالكامل في حلة واحدة دون الحاجة لاستخدام الفرن أو تحضير صوص البشاميل، مما يجعلها خيارًا مثاليًا لمحبي المذاق الغني وسرعة التنفيذ, اللازانيا "الكسلانة"، كما أطلق عليها البعض، لاقت رواجًا واسعًا عبر منصات التواصل الاجتماعي لما تتميز به من سهولة، ومكونات بسيطة متوفرة في أغلب المنازل، إلى جانب طعمها الشهي الذي ينافس الطرق التقليدية.
المكونات:
نصف كيلو لحمة مفرومة (ويُفضل تكون فيها دهون بسيطة)بصلة كبيرة مفرومة ناعم (أو 2 متوسطين)
ملعقة كبيرة ملح
ملعقة صغيرة فلفل أسود
فص ثوم مفروم
ملعقة كبيرة صلصة طماطم
كوبان من طماطم بيوريه (5 حبات طماطم مضروبة في الكبة)
جزرة كبيرة مبشورة
رشة زعتر أو أوريجانو أو بهارات إيطالية
كوبان ماء ساخن (للسلق)
علبة لازانيا مكسّرة أو سليمة
كوب كريمة طهي (بديل بشاميل) أو حليب كامل الدسم
جبن مبشور (بارميزان، موتزاريلا، شيدر أو أي نوع متوفر)
بقدونس أو ريحان للتزيين
" width="400" height="225" frameborder="0" allowfullscreen="">
طريقة التحضير:
تحمير اللحمةفي حلة على نار عالية، حمّري اللحمة المفرومة بدون زيت لو فيها دهون. بعد ما تاخد لون، أضيفي البصل المفروم وقلّبي لحد ما يذبل.
التتبيل والتسبيك
ضيفي الملح، الفلفل، والروزماري (اختياري)، ثم في منتصف الحلة ضيفي ملعقتين زيت زيتون وفص الثوم المفروم.قلّبي الخليط كله كويس، ثم ضيفي ملعقة معجون الطماطم وقلّبيها شوية مع اللحمة لحد ما تتحمّر.
إضافة الصوص والخضار
أضيفي الطماطم البيوريه، الجزر المبشور، الزعتر أو التوابل الإيطالية، وكوبيتين ميه سخنة.غطي الحلة وسيبي الخليط يتسبك على نار هادئة لحد ما الدهون تطلع على الوش.
إضافة اللازانيا
كسّري شرائح اللازانيا (أو سيبيها سليمة حسب رغبتك) وضيفيها على الصوص.ضيفي كمان كوبين ميه سخنة وغطي الحلة , سيبيها على نار متوسطة وشيلي الغطا كل شوية تتأكدي من السوا، ولو احتاجت ميه زودي شوية بشوية.
بديل البشاميل
لما اللازانيا تستوي، أضيفي كوب الكريمة (أو الحليب)، وقلّبي كويس. غطي وسيبيها تغلي غلوة على نار هادية. الجبنة والتقديم
في الخطوة الأخيرة، أضيفي الجبن اللي عندك (موتزاريلا، بارميزان، شيدر، أو حتى شرايح جبن أمريكي).غطي الحلة لحد ما الجبنة تسيح، وزيّني بالبقدونس أو ورقتين ريحان.
