علق الإعلامي محمد فارس، على طريقة تعامل النادي الأهلي في إنهاء التعاقد مع المدربين .
وكتب محمد فارس عبر حسابه الشخصي بموقع التواصل الإجتماعي إكس: “كولر قصته مع الأهلي انتهت وما أعلمه إن الأهلي بيسعى بقوة لتواجد مدير فني أجنبي في أقل وأسرع وقت ممكن”.
وأضاف: “بس بعيدا عن ده هتلاقي في كل الأحوال إدارات النادي الأهلي بتحافظ على علاقة الأهلي مع المدربين بعد رحيلهم لإن دي صورتك الذهنية كنادي ده اتعمل مع موسيماني في تسوية عقده أو سوراريش وغيرهم كتير وحتى مع لاسارتي ومارتن يول بحفل وداعي”.
وتابع: “كولر صفحة وأتقفلت مع الأهلي كمدرب انما مكملة في حاجات تانية كتير في لقاءات وحوارات مع صحف عالمية ومع مواقع وقنوات. ده غير ان في النهاية بالحلو والوحش هو جزء من تاريخك في ال ١٠ سنين الأخيرة فلازم هتحافظ على علاقتك بيه بعد إنتهاء العلاقة التدريبية”.
واختتم: “الأهلي شاطر جداً في إنهاء ارتباطه بالمديرين الفنيين بشكل محترف ومحترم بعكس أندية كتير حوالينا . وشطارة الأهلي في الحتة دي هي السبب إن لحد دلوقتي بونفرير وألويفيرا وجاريدو وكل الأسماء اللي ذكرتها لما بتيجي تتكلم عن النادي الأهلي بتتكلم عليه بشكل إيجابي وبتوثق صورة ذهنية تليق بالأهلي. وتاني بقول ده ملهوش علاقة بالقصة الفنية لإن الموضوع منتهي انا بتكلم خارج علاقته بيك كمدرب”.
وأعلن النادي الأهلي بشكل رسمي توجيه الشكر للسويسري مارسيل كولر المدير الفني بعد سنوات قضاها مع الفريق الأحمر.
وقال الأهلي أنه سيتم الإعلان عن جهاز مؤقن غدا ويقود الفريق في الساعه 7 مساءا .
وأضاف :"سيتم تكريم السويسري مارسيل كولر المدير الفني في حفل يستحقه".
