الجمعة 28/مارس/2025 - 05:32 م
علقت الفنانة كارولين عزمي، عن تشبيهها بالفنانة ياسمين صبري، والتعليقات الكثيرة التي تقرأها حول تشبيهها بها.
وقالت كارولين عزمي خلال ندوتها بـ القاهرة 24: بسمع كلام كتير عن إني شبه ياسمين صبري، بس مش بشوف إننا شبه بعض، هي قمر وجميلة وبحبها أوي بس مش بحس إننا شبه بعض، كل واحدة ليها شكلها وروحها وطريقتها.
كارولين عزمي عن تشبيهها بـ ياسمين صبري: كل واحدة ليها شكل وروح مختلفة
كما نفت كارولين عزمي الشائعات التي تخرج بين الحين والآخر، والتي تزعم زواجها، معتبرة أن ذلك مجرد شائعات؛ إذ إنها لم تتزوج من قبل، وقالت كارولين عزمي خلال ندوتها في القاهرة 24: أنا مش متجوزة ولا عمري اتجوزت قبل كده، وفيه ناس قالت دي معاها عيلين.
وأضافت كارولين عزمي: أنا كنت مخطوبة والخطوبة كانت فترة صغيرة ومحصلش نصيب، ولكن عشان لبست وقتها أبيض الناس ربطت ده بالزواج.
وعن مواصفات الرجل الذي تود الارتباط به قالت: مواصفات الراجل اللي أحب أرتبط بيه إنه يبقى راجل من أصل طيب، وبيراعي ربنا فيا وفي كل اللي حواليه ويكون بار بأهلي ويتقي ربنا، وده أهم حاجة وأنه يكون بيضحكّني.
أعمال كارولين عزمي
وتشارك كارولين عزمي في موسم رمضان الجاري، من خلال مسلسل فهد البطل، الذي يضم كل من الفنان أحمد العوضي، ميرنا نور الدين، أحمد عبد العزيز، عصام السقا، وغيرهم.
