بوسي تكشف تفاصيل أزمتها مع والدها.. وموقف سعد الصغير - نجوم مصر

تحدثت المطربة الشعبية بوسي عن علاقتها بوالدها الراحل، وردت على الانتقادات التي وجهت إليها بشأن معاملتها له، مؤكدة أنها لم تقصر معه.

وأضافت خلال حوارها ببرنامج "العرافة"، مع الإعلامية بسمة وهبة، المذاع عبر فضائية النهار: "أنا عملت كتير، وأخويا موجود وشايف أنا عملت مع أبويا إيه، بس سعد الصغير بيستغل الموضوع ده ضدي، الناس بيدفعوله فلوس عشان يتكلم عني ويحاربوني بيه، وما فيش مادة خام أحسن من كده عشان يحاربوني بيها".

وتابعت: “أنا كنت ببعت له فلوس، وأخويا يقولي إنه بيرفضها”، مؤكدة أنها منعت عنه المال عندما بدأ يتحدث عنها قائلة: "أنا منعت عنه الفلوس لما طلع وقال بوسي بنتي ما بتسألش فيا، وأنا كنت لسه بعتها له قبلها بيوم، وكنت هبعت تاني عشان عملية عينيه".

تعليقها على موقف سعد الصغير

وعن دور سعد الصغير في زيارة والدها، قالت بوسي: "سعد قالي إنه رايح يصور معاه ويعمل شغل، وقلتله بعد إذنك يا سعد ما تدخلش نفسك في حاجة زي دي، لكنه قاللي إنه هيعمل كده عشان يصالحنا بصفتك إيه؟ أنت بتعمل ده عشان عايز تركب الترند على قفاي!".

واستطردت: “إللي يعمل كده في مرات أخوه وياخد شقتها وذهبها ويديها لواحدة تانية، ممكن يعمل أي حاجة!”، مشيرة إلى أن صديقتها المقربة "هبة"، كانت زوجة محمد الصغير، شقيق سعد، وأنه بعد وفاة زوجها، أخذ منها الشقة وأعطى كل ممتلكاتها لزوجته الجديدة، قائلة: "هي كانت على ذمته أربع سنين، وبعد وفاته خد منها الشقة وفلوسها ودهبها وأداهم لمراته اللي كانت وقتها مش على ذمته!".