الجمعة 14/مارس/2025 - 03:36 م
أعربت غادة أرملة الفنان الراحل وائل نور عن صدمتها من الحكم الصادر مؤخرًا بشأن الشقة التي تقيم بها منذ سنوات طويلة، مؤكدة ثقتها الكاملة في القضاء المصري لإنصافها.
أرملة وائل نور بعد صدور حكم تسليم الشقة لـ أميرة العايدي: عشت فيها سنين ومهددة بالطرد
وقالت أرملة الفنان في تصريحات خاصة لـ القاهرة 24: عشت في الشقة دي من ساعة ما تجوزت وائل وخلفت ولادي فيها وعايشه فيها بقالي سنين، ومعرفش أي حاجة من اللي بيحصل، وائل كان معاه عقد مشهر رضائي بينه وبين ياسر، وإن شاء الله الحكم ده يتنقض.
وتساءلت أرملة وائل نور عن ملابسات القضية، قائلة: المحكمة اعتمدت على عقد ابتدائي وصورة ضوئية منه، وأنا طعنت عليه، وأنا عايشة هنا بقالي أكتر من 17 سنة، ووائل الله يرحمه كان عايش هنا أكتر من 25 سنة.
وأشارت أرملة وائل نور إلى أن الوضع القانوني للشقة محل النزاع غير واضح بالنسبة لها ولا تفهمه، قائلة: مش فاهمة إزاي أميرة تسلمت الشقة كلها، وهي معاها عقد بيقول إنها مالكة نصها بس؟ وبعدين حتى لو وصية، ولادها كبار وتمّوا سن الرشد.
واختتمت حديثه قائلة: أنا واثقة إن القضاء هيعدل الحكم في النقض، لأن اللي حصل ده مش منطقي، ومش معقول بعد كل السنين دي ألاقي نفسي فجأة مهددة بالطرد من بيتي.
