الجمعة 14/مارس/2025 - 02:15 م
تلقى الدكتور علي جمعة، مفتي الجمهورية الأسبق، وعضو هيئة كبار العلماء بالأزهر الشريف، سؤالًا حول ما يراه الشخص عندما تفيض الروح إلى بارئها.
علي جمعة: أول ما بتطلع الروح الشخص بيشوف حاجة زي التليفزيون عشان يعرف مكانه في الجنة أو النار
وقال الدكتور علي جمعة خلال برنامجه الرمضاني نور الدين والدنيا: أول ما بتطلع الروح الشخص بيشوف حاجة زي التليفزيون.. إما يلاقي نفسه متجه للجنة ويشم ريحتها أو للنار.. ولكن الحساب يوم القيامة.
وأجاب الدكتور علي جمعة على سؤال ورد إليه من طالب مفاداه: هل الميت بيحس بينا واحنا بنقرأله الفاتحة؟.. فرد قائلا: طبعا لو قرأتها ووهبت ثوابها له هيعرف.. تروحله في صورة هدية مكتوب عليها اسمك.
وعن جوابه على سؤال طالب: ازاي الميت بيحس بالأحياء؟، قال الدكتور علي جمعة: وازاي أنت بتفتح التليفزيون واللي بيقول النشرة بعيد عنك بأمريكا مثلا.. هي حاجة زي كدا زي التكنولوجيا.
كما رد علي جمعة على سؤال طفلة مفاداه: ليه الناس بتخاف من الموت؟، قائلًا: عندهم عباطة لأنك لو عارف إنك هتشوف كريم مش هتخاف.
وقال الدكتور علي جمعة مفتي الجمهورية الأسبق وعضو هيئة كبار العلماء، إنه أول ما نسلم على الأموات ترد فيهم الروح ويسمعوننا حين نتكلم معه، مؤكدًا أن الميت الذي يتم الصويت والصراخ عليه لا يتعذب إلا وصى بذلك.
