بعد زيادة أسعار البنزين والسولار.. لميس الحديدي توجه رسائل للحكومة والتجار: "فكروا في موازنة المواطن.. وبلاش تبقوا أنتم والزمن على الناس" - نجوم مصر

وجهت الإعلامية لميس الحديدي رسالة قوية إلى الحكومة والتجار بعد قرار رفع أسعار المحروقات، مشيرة إلى أن لهذا القرار تأثيرات مباشرة وغير مباشرة على أسعار السلع وخدمات النقل.

للحكومة.. فكروا موازنة المواطن

وقالت الحديدي، خلال تقديمها برنامج "كلمة أخيرة" على قناة ON:
"وأنا بوجه كلامي للحكومة، بقول فكروا في موازنة المواطن قبل ما تاخدوا قرارات زي دي. مع اقتراب الموازنة الجديدة في يوليو، واللي فيها زيادات في المرتبات والمعاشات، لازم تفكروا كمان في الموازنة الشخصية للمواطن، مش بس موازنة الدولة."

وأوضحت أن برنامج الإصلاح الاقتصادي مهم، لكن هناك بنودًا أخرى يمكن البدء بها بدلًا من تقليص الدعم، موضحة:
"الدعم لا يمثل سوى 11% من استخدامات الموازنة، وده رقم ضعيف جدًا مقارنة ببنود تانية زي الاستثمار الحكومي، والإنفاق، والمديونية، اللي بتشكل أرقام أكبر بكتير."

وتابعت: "أرجوكم، فكروا في الناس قبل اتخاذ أي قرار... الأمور بقت صعبة جدًا على المواطن."

للتجار.. بلاش تبقوا أنتم والزمن على الناس

كما وجهت لميس رسالة مباشرة للتجار، قائلة:"بقول للتجار: بلاش تبقوا أنتم والزمن على الناس. إحنا عارفين إن القوة الشرائية اتراجعت، فاقفوا جنب الناس، لأن لو الناس بطلت تشتري، الضرر هيجيلكم أنتم كمان."

وأضافت: "ما تفكرش في المكسب اللحظي، فكر إزاي تحتفظ بزبونك وتبيع بشكل مستمر. لو مضطر تزود، زود في أضيق الحدود. ولو تقدر تمتص جزء من الزيادة، اعمل كده... حتى لو شلت نص التكلفة، وحملت الناس النص التاني."

واختتمت حديثها برسالة إنسانية، قالت فيها:"مش عايزين ركود، ومش عايزين قفزات جديدة في التضخم... إحنا عايزين اقتصاد نقدر نشم نفسنا فيه شوية."