تحل اليوم الذكرى 80 لميلاد النجم الكبير يحيى الفخراني، والذى يعد احد ابرز نجوم مصر والوطن العربى، ويحتفل بعيد ميلاد في حفل صغير وسط عائلته وعدد قليل من اصدقاؤه المقربين.
تخرج النجم يحيي الفخرانى من كلية الطب وعمل بالمهنة لعدة سنوات وكان له موقف طريف اثناء دراسته بالكلية حكي عنه خلال استضافته فى احد البرامج الفنية حيث كشف خلال اللقاء عن تفاصيل دخوله للمرة الاولى للمشرحة وتعامله مع الجثث.
يحيي الفخرانى يكشف اول تعامل له مع الجثث
- أول تعامل ليا مع جثة كنت هايب الموقف جدًا.. لكن الجثث اللى بتبقى فى المشرحة فى الكلية بتكون مفيهاش صفة الحيوية بتبقى واخده فورملين ولونها مختلف شوية وكلنا بندخل المشرحة مع بعض وده بيقلل الخوف.
- أول مرة دخلت المشرحة لها واقعة طريفة، واحدة زميلة سالتنى إنت دخلت المشرحة قبل كده وكنا فى إعدادى طب فاتكسفت أقولها لا، وقولتها تعالى أوريهالك لكن كان سوء حظى إنى دخلت فى وقت الراحة ومفيش طلبة.
- فتحت الباب ودخلت لقيت ترابيزات فاضية وتوقعت إنها أكيد جايه ورايا وفجاءة لقيت الباب اتقفل، ببص ورايا لقيتنى لوحدى، لقيت الجثث واقفة بيصفوها من الفورمالين وجنب الباب فجريت وفتحت الباب وكانت هى بره وبان طبعا خوفى وإنى اول مرة أدخل المشرحة.
- اشتغلت سنتين تقريبا طبيب أمراض باطنة، وبعدين قدمت لماجيستير أمراض نفسية وعصبية وذاكرت الجزء الأول من الماجستير.
- وقبل الامتحان بشهر تقريبا جالى فرص تمثيل كتير خدت وقتى ومقدرتش أدخل الامتحان وراحت فرصة الماجيستير.
- اخترت النفسية والعصبية لأنى بحب الفرع ده من فروع الطب وده اللى خلانى استقريت على التمثيل لأنه أيضا بحث فى داخل الإنسان.
- مش أى طبيب ينفع يبقى طبيب نفسية وعصبية، لأنه لازم يكون ملم بطبيعة ما حول المريض، لازم يكون حاسه إنسانيًا وحاسس المجتمع اللى هو عايش فيه، لأن ما يمرض إنسان مصرى نفسيًا غير اللى يمرض أمريكانى أو يابانى.
اقرأ أيضا
