الإثنين 07/أبريل/2025 - 12:51 م
زعمت صانعة محتوى شهيرة عبر حسابها بمنصة إنستجرام، بتعرضها لمحاولة اختطاف مع أفراد عائلتها في كمبوند شهير بالتجمع الأول، خلال عودتهم للمنزل بعد أن توقفت سيارة أمامهم وخرج منها 3 أشخاص واقتربوا منهم محاولين اختطافهم، حسب قولها.
بلوجر تزعم محاولة اختطافها
وشاركت صانعة المحتوى، فيديو عبر حسابها بمنصة إنستجرام، قائلة: خلوا بالكم يا جماعة، كنت هتخطف أنا وماما وأختي كنا في التجمع الساعة 8 العشاء، ونازلين من بيت صاحبتي وراجعين بيتنا، اتفاجئت بعربية جات وقفت قدامنا ونزل منها 3 أشخاص شكلهم غريب ويخوف فعلًا ولما قربوا علينا، اتصدمت واتشليت في مكاني مش عارفة أعمل إيه لحد ما ربنا ستر وأخويا جه في نفس اللحظة وركبنا معاه، حسب قولها.
وادعت صانعة المحتوى: بطالب بس يبقى فيه اهتمام بالشارع دا زي باقي شوارع مصر يركبوا كاميرات أو يزودوا أفراد الأمن مع أن المنطقة كلها كاميرات وفي كل خطوة في فرد أمن ومعظم الشوارع كدا، الرعب اللي اتعرضتله النهاردة مشوفتوش في حياتي قبل كدا.. ربنا يسترها يا رب.
ولاقى فيديو صانعة المحتوى تفاعلًا واسعًا بين مستخدمي السوشيال ميديا، حيث كتب صاحب حساب: فعلًا ممكن أي حد يتخطف في المناطق دي يا ريت الناس تاخد بالها كويس عشان الموضوع اتكرر معانا.
وأضاف مستخدم آخر: ربنا يسترها على الناس كلها ويعينها والموضوع مش هزار المناطق دي فاضية وممكن أي حد يتخطف ومحدش يحس به.
