الأحد 06/أبريل/2025 - 11:30 م
تحدثت الفنانة سوسن بدر، عن مرحلة النضح الفن، وكيفية تعاملها مع عامل الزمن وتأثيره على أدوارها الفنية، موضحة أنها قررت عدم خوض معركة مع التقدم بالعمر.
وقالت سوسن بدر، في تصريحات تليفزيونية: أنا ست عادية وبحب شغلي ومهنتي جدًا، لأن دي جزء من حياتي ونجحت بيها ومنها وعرفت الناس، ولو أنا في اللحظة اللي هحس بيها أني نضجت فنيًا هقعد في بيتي، هدور على إيه تاني؟، وحقيقة وواقع الأمر أنا فعلًا لسه موصلتش للنضح الفني قدامي حاجات كتير عايزة أعملها.
وتابعت سوسن بدر: عمري ما فكرت أبقى غنية وأنا كنت من عيلة من طبقة متوسطة جدًا، بس مكنش حلمي الغنى ولكن كان حلمي أبقى ممثلة كويسة
سوسن بدر: الست بتستنزف في معركتها مع الزمن ومش هتكسب
وعن كيفية تعاملها مع الزمن والتقدم بالعمر، فعلقت سوسن بدر قائلة: الست بتستنزف في معركتها مع الزمن ومش هتكسب ومينفعش تكسب، وأنا اكتشفت اللحظة دي أن ليه اتعارك مع الزمن ما أخده صديق وضيف بيجي كده.
سوسن بدر
وعلى جانب آخر، حققت الفنانة سوسن بدر، نجاحًا كبيرًا في موسم رمضان 2025، من خلال مشاركتها في مسلسل أثينا، بطولة الفنانة ريهام حجاج، وعدد آخر من النجوم، وحقق العمل نجاحًا كبيرًا وقت عرضه في النصف الأول من موسم رمضان الماضي.
