"العيال كبرت أفضل علاج نفسي".. رسالة ساخرة من ميدو بعد قرار رابطة الأندية - نجوم مصر

بعث أحمد حسام ميدو، عضو لجنة التخطيط بنادي الزمالك، برسالة ساخرة بعد قرار رابطة الأندية بتخفيف عقوبات الأهلي بعد أزمة مباراة القمة 130 والاكتفاء باعتباره خاسرًا المباراة فقط دون خصم 3 نقاط نهاية الموسم.

ونشر ميدو عبر حسابه على منصة إكس "مشاهدة العيال كبرت مع كحك العيد هو أفضل علاج نفسي من اللي بنشوفه في الكورة في مصر…كل سنه وأنتم طيبين".

وكان ميدو قد نشر أيضًا عبر إكس: "كرة القدم في مصر لا تستحق المعاناة التي نعانيها جميعا.. مسؤولين قاعدين في مناصب مهمة علشان بينفذوا الأوامر وعلشان المواقف اللي زي دي بالظبط يقولوا حاضر ونعم وآمين".

وأضاف "هنفضل طول عمرنا فشلة في الكورة طول ما هي دي عقلية أصحاب القرار".

وتابع "أخيرا أكيد جمهور الزمالك عارف إن إحنا مش هنسيب حقنا وهنحارب على حقوق النادي لآخر يوم في عمرنا بس القرار الغبي ده بيوريكوا إحنا بنتعامل مع ناس دماغها عامله إزاي".