الإثنين 31/مارس/2025 - 12:19 م
علق الممثل الشاب ياسين السقا، نجل الفنان أحمد السقا، على انتقادات رد عله على انتقادات دوره في مسلسل سيد الناس بطولة الفنان عمرو سعد، الذي عُرض في السباق الرمضاني 2025.
وكتب ياسين السقا، عبر حسابه الشخصي بموقع إنستجرام: أولًا، أريد أن أقول لكم عيد سعيد، ويا رب يكون خيرًا لكم وعلى كل حبايبكم وعلينا جميعًا. كنت أريد أنزل البوست ده من فترة، لكن كنت بفكر أكتب إيه. في ناس زعلانة من منشور نزلته من كام يوم كده وهاجمت عليه كتير، وللأسف في ناس زعلت مني، واللي في بالي دول بعتذر لهم، لأن في ناس فعلًا بتنتقد باحترام، حتى لو الدور مكنش كبير ومش مفهوم أوي من الجمهور. أنا اتقبل ده تمامًا، وأنا داخل المسلسل وعارف ده.
وتابع ياسين السقا: وفيه الحمد لله اللي فهموا الدور واللهجة والكلام المكسر ده عشان طارق عايش طول عمره في لندن.. الأغلبية من الناس اللي هما فاكرين نفسهم نقاد كأنهم بيستخدموا الشتائم وبيتنمروا وبيجيبوا سيرة والدي ووالدتي بمجرد أن والدي أحمد السقا.. في ناس مجرد ده والدي وليه مش بتحبه شخصيًا لازم يشتمني ويجيب سيرة الأم والأب وحتى يدعو عليّ بالموت، وكان في كثير منهم. أحب أقول للمحترمين إني بعتذر على المنشور اللي نشرته بتاع الأسد وده مش موجه ليكم أبدًا.. وللحاقدين.. ربنا يهديكم وأنا هنجح وهتشوفوا أن اللي خلف مامتش.
