الإثنين 31/مارس/2025 - 04:54 ص
كشفت الفنانة إنجي كيوان، عن تخوفها من المشاركة في السباق الرمضاني الدرامي، موضحة أنها لا تنافس أحد ولكنها تعمل على تحسين اختياراتها الفنية، وذلك بعد النجاح الذي حققته في موسم رمضان 2025 بمسلسلي سيد الناس، وتقابل حبيب.
وقالت إنجي كيوان، في لقائها مع القاهرة 24: كنت بخاف أدخل رمضان لأنه ماراثون مسلسلات، وأنا مش بنافس حد، أنا بنافس نفسي ومع الحاجات اللي عملتها، فأنا حريصة إني أعمل حاجات جديدة غير اللي عملتها وأوصل للناس أكتر وياخدوا بالهم من الأدوار.
كما كشفت إنجي كيوان، عن القضايا التي تتمنى مناقشتها في عمل فني، قائلة: في قضايا كتير أتمنى أناقشها في أعمال فنية، منها التنمر، وكمان طريقة كلام الناس لبعض اللي هما طبقات مختلفة، والتنمر اللي بيحصل على السوشيال ميديا، أنا حاسة إن دي حاجات مهمة نتكلم عليها.
إنجي كيوان تتحدث عن تعاونها مع عمرو سعد في سيد الناس
وكانت إنجي كيوان، تحدثت عن تعاونها مع عمرو سعد، في مسلسل سيد الناس، قائلة: عمرو سعد إنسان جميل جدًا وعمل معايا أكتر من حاجة في التصوير خلتني أكون من معجبيه، ومش بقرأ انتقادات عشان مزعلش، بس شايفة ردود أفعال حلوة على دوري في مسلسل سيد الناس وتقابل حبيب، وأنا مبسوطة أني قدرت أقدم دورين مختلفين عن بعض في مسلسلين ليهم جماهير مختلفة.
